Search Article
Tag: 皮質醇
做個平和的高人
十月其實係立品牛一，但今年完全冇心機慶祝，所以只係攪了個小小的野餐跟好友們聚聚，人大了就是如此，生日不再是重要事，健康快樂自在滿足平和就好。而平和係立品近日的聚焦主題。
前天同瑪莉午飯，瑪莉做HR，立品每隔一輪都會搵朋友午聚交換資訊，例如有甚麼人材、有甚麼崗位缺人、某某在位人仕和機構近來有甚麼消息、對某些我們熟識的公司業務發展和新動向等等，都係立品在行內打滾的指定收風動作。以下係我近期所思所想。
一個人打工切忌當自己份工咁打： 話說一年前A 公司和 B 公司洽談了一份業內同行都為之艷羨的合約，卻近期同人吹水之下發覺份合約原來到現在尚未簽妥，歸咎原因，原來是某高層在對住份合約像驗屍咁驗，結果雙方在一些條款上（仲應該係唔死得人那些）爭持不下，幾乎胎死腹中！
話說昨晚睇完電視直播皮質醇甚高，昨晚已經心情差劣，惡夢都發埋，回到公司見個人呆呆地就不如俾個IT 同事來我房間換電腦，結果對方用咗三個幾鐘（備份+轉換到新電腦上） ! 本來立品心諗有部新電腦今次仲唔得心應手兼快活過神仙咁三兩下手勢已經可以交稿？誰不知，午飯後我都仲係喺度用手機寫緊稿囉。我並非 IT 人，但我衰在 logical sense 思維偏高，任何事情我總是先解構而找到解決方向再埋手做。所以簡單的上網問題有個人在我電腦前典數小時是我不太能接受的事！更何況近日我皮質醇又偏高？
...
