Search Article
Tag: Overtime
Developing Lasting Peer-to Peer Work Relationships
By Connie Hum Advice Columnist
Overtime
,
personal relationships
,
Teammates
,
UBS
,
Work Environment
In order to maintain a healthy work environment and be successful in our careers, not to mention enjoy the time we spend in the office, it’s crucial to develop lasting peer-to-peer work relationships. Here are some key ways to forge deeper connections with your colleagues.
...
Mid-year review一定聽過的說話
有些公司會有中期檢討，老細例必苦口婆心捉住你跟你分析這分析那，有時廢話多過乜，無論開場白有多漂亮，最終都只是一場審判，目的是告訴你繼續努力，但就不要對加人工有太大期望，為公司年終加薪花紅打定底。有些說話真是難聽過粗口，唔講都無咁嬲：
1. 「我睇好你，但公司今年都無乜錢賺（下省一百字）」：公司做生意，賺錢是目的，賺錢不賺錢是你們管理層的責任，我們辛辛苦苦拼搏，沒理由就因為你們不努力找生意就沒人工加。「睇好我」不能當飯食!
2. 「我好欣賞你咁勤力，但唔好做到隻牛咁」：事實上是公司不夠人手，同事要日日超時工作(OT)，都算，不加人手、不欣賞你之餘，還要落井下石，說是你自己的問題而要OT，也不自問一下，是誰經常臨收工才叫人做，累同事OT。
3. 「有咩意見隨時歡迎表達」：對呀，我有我表達，你有你選擇，意見接受，態度照舊是常識吧，講多都無癮，還是省點口水、留啖氣工作吧。
4. 「我有打算升你，但咩位同加幾錢人工就未決定」：那麼有決定才跟我說吧，反正鄰家公司出錢挖角就已經決定了，理得你決定到2046，想留我？好難咯！
...
適當時，請給自己一個收工的理由
根據2016年瑞銀一項研究指出，香港人工時係全球之冠，平均一星期做足50個鐘，全球第一好威威。工時最短嘅係巴黎，每週做30小時，同香港相差成20個鐘，就連附近出咗名工時長嘅東京，都係做39個鐘，同香港都相差成11個鐘。
其實一星期做50個鐘對香港人嚟講是常識吧，朝九晚六已經9個鐘，一日OT一個鐘已經係賺咗，7點收到工返屋企睇到《賭城群英會》已經要謝主隆恩。唔講唔覺，原來我地一直以嚟覺得好合理嘅工作時間原來對於全人類嚟講係咁長。
香港人生活壓力大，供樓畀家用，每日為咗賺多啲，爭取工作表現難免會OT。再加上歷史遺留落嚟嘅職場文化，認為OT等於勤力，老細未走、同事未走，拎起個袋走，感覺似逃走。OT已經成為香港人嘅壞習慣，其實有冇諗過，比起工作，生活上仲有好多理由值得我地拎起個袋，昂首闊步咁收工。
為咗重要嘅人
我地好多人努力工作，無非都係為咗畀到更好嘅生活身邊嘅人。但往往工作就犧牲咗我地陪屋企人嘅時間，忽略最親嘅人。你試想下今日你做多個鐘，同屋企人相處嘅時間就少一個鐘。你可能覺得每日陪少一陣唔係好多，但久而久之，你投資喺屋企嘅時間愈少，同屋企人嘅關係就更疏離，當家庭出問題嘅時候已經後悔都嚟唔切。當初我地明明係想令家庭幸福，但結果往往不似預期。當你發現好耐冇花時間喺重要嘅人身上，例如好耐冇同屋企人同枱食飯，喺未算太遲之前，係時候諗諗點樣放低工作，早啲收工陪下屋企人。
為咗自己身體
...
準時收工5大攻略
以前打份工朝九晚五，不知從何時起加長到朝九晚六，但實質人人朝九晚七八九十，很多時超時工作不是工作本身多，更多是人的問題，這些都可以解決，要準時鬆人只欠一點策略、方法：
1. 提早半小時準備：走人需要準備，最好預半小時，尤其女士們要補妝赴會，要時間執執口鼻、上洗手間，再整理下個手袋，半個鐘前開始準備，就不怕臨急臨忙裙拉褲甩，仍能保持一貫優雅輕鬆開心赴會。
2. 防範被捕獲：放工放不到，很多時是臨門一腳被人捉住，只差一點點…正想起身走人，怎知被老細捉個正著，問長問短。如果你老細是這種人，你就要改變策略，臨放工前自行面聖，但時間要拿捏得準確，你需要先觀察再觀察，了解老細習性，例如開一個會要多長時間，他召人的模式是怎樣，召完會否再召，間距有沒有習慣，觀察好了就要先發制人，提早在鬆人前主動將手頭上任務匯報清楚，我認為不要太早，剛好夠時間完成匯報就最好，不要讓他有思考空間然後再召喚你，匯報完出來拍拍屁股就好走了，手尾明天再攪，不宜久留。
3. 行裝愈少愈好：加班是群眾壓力、羊群心理，當全組人都埋頭苦幹，你連一聲拜拜都不敢哼聲，怎樣才能走得不動聲色呢？答案是，不要帶袋。這樣連做同事也不確定你什麼時候離開。不過這個方法比較適合男士，因為女士一般比較多隨身物品，但若然當晚真是非走不可，要想走得無聲無息，行裝還是愈細愈好。
...
拆解你對公關界的5個迷思
經常會有人問我公關是否乜乜乜、公關是否物物物，其實很多人都對公關這個行業感興趣，也覺得很神秘，就讓我為你揭開他們的神秘面紗吧!
1. 有返工無放工：有返工無放工有時是一個錯覺，因為公關很多時都會在非辦公室時間辦公，例如為客戶舉行酒會、晚宴，上班時間跟一般辦公室工作很不同。當然長時間工作的確是公關界的常態，不過比較起企業內部的傳訊部門的公關和要照顧客戶需要的公關公司，後者明顯較為辛苦，也經常超時工作，因為客戶總覺得錢花了就要把你用盡，時刻在勞役他們。
2. 什麼都曉：公關牽涉的範疇有很多，包括處理公眾、股東、顧客、政府部門及其他潛在持份者的聯絡工作，也有很重要的角色是回應傳媒查詢及與傳媒打好關係。過程中，他們需要不時發放新聞公告、製作廣告、準備講辭，也有機會要籌備大型活動，或者為一些突發事件即時降溫及善後，這些都需要到很多知識的支援，所以公關，特別是提供公關服務的公司，會由很多不同專業的人士組成，團隊一般包括撰稿員、設計師、資訊科技專才，甚至工程人員等，當然他們很多時都會與外面的服務供應商合作，尋求他們的專業意見及協助。
...
