間唔時都聽到人講，搵唔到愛情就不如寄情工作，將全副心力擺喺公司，愛上工作就唔再需要愛情。呢句說話某程度上都講得冇錯，同移情別戀一樣，只係將感情搬咗去另一個位置，而有啲人選擇將佢擺喺間公司而唔係擺喺人度。當一個人長期寄情工作，同戀上一個人一樣，日久就自然好易生情，慢慢同公司發展出真感情。相信大家身邊總有一兩個同事係公司嘅老臣子，喺公司做咗幾廿年，對公司有一定歸屬感。不過佢地有啲都只係為咗打份穩穩定定嘅工而做咁多年，未必真係愛上公司。要分辨邊啲先係真愛，唔係淨係睇年資，就算係你身邊嘅新同事，都可以同公司墮入愛河。我地可以留意佢地有冇出現呢啲特徵：

1.講起公司充滿自豪

當一個人好愛另一個人，佢會為自己愛上呢個人而自豪，成日都會喺人地面前提起佢。愛上公司都一樣，佢每次講起公司都特別大聲，而且永遠有讚冇彈。同親戚朋友食飯，一定會講起公司嘅大小事，不忘幫公司宣傳一番，講嘅時候仲會帶住充滿自信嘅微笑。一個人有幾愛公司，喺佢面前讚下佢公司就知。

2.公司Product鐵粉

每次公司有新Product推出，佢一定會第一時間買返屋企。例如如果公司係做時裝品牌嘅，佢應該成個衣櫃都係公司嘅衫；如果係化粧品牌嘅，應該成塊面都係公司化粧品。有時甚至公司周邊嘅紀念品都唔放過，誓要令公司包圍自己嘅生活。佢嘅座右銘係：「要證明自己係公司最忠實嘅鐵粉，係用自己份糧去證明的。」

3.放假都喺公司

為咗進一步顯示自己嘅愛，除咗金錢，仲會願意為公司付出所有自己嘅時間。唔係講緊被動地需要放假返工，又或者24小時on call嘅人。佢地就算工作時間係平日嘅朝9晚5，明明可以收工但都會繼續留喺公司工作，就算星期六、日，都會習慣性地返去公司做嘢。呢份愛，唔係人人都能夠明白的。

4.認為公司重要過一切

如果問你人生最重要嘅係乜嘢，你可能會話身體、家人、男女朋友、老婆仔女。如果你問同公司談戀愛嘅人，其實佢都可能一樣會咁答。學子華神話齋：「講得出「我好鍾意返工」嘅人一定係鬼上身。」佢梗係唔會畀你知佢鬼上身啦。雖然佢把口唔會講個事實畀你聽，但身體永遠最誠實，佢會為咗做嘢晚晚食杯麵、情人節喺公司OT、甚至喺間唔中公司露營，其實佢真係好鍾意返工㗎！

同公司談戀愛其實係冇問題嘅，因為愛上公司、愛上工作嘅人一樣係找到人生目標，找到自己真正鍾意做嘅事。只不過，同公司談戀愛就同人談戀愛一樣，唔怕去愛，只怕愛錯。只能希望呢間公司一樣都咁愛你，唔係到時望住封信，學Eason話齋，再激動仍只得傷信。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Select article category

Search Article

Tag: on-vacation calls

4個戀上公司的特徵

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist