Search Article
Tag: 強積金
轉工簽約前 條數要計清
咪話疫情下個市淡靜咗, 其實呢排都好多人自行轉工／被逼轉工。歌仔都有得唱「我哋呢班打工仔 一生一世為錢幣做奴隸…….」既然要做當然希望做回報好啲嘅奴隸，一般來說較易獲得升職加薪的方法就是透過搵工跳槽，但要注意人工多咗未必等於實際袋多咗，各位轉工前不妨參考以下事項計一計，以免蝕章!
加班無補水時薪隨時少過最低工資：見工前不妨四處打聽或直接向新僱主查詢要否經常加班及有否補水，若經常加班但沒補水補假即變相拉低時薪，所得月薪亦會變少！每天加班兩小時，差不多一星期工作多一天，一個月便是四天，如此類推…….在新公司上班後才發現自己要on call 36小時，再推算時薪竟比最低工資少，到時才慘叫中伏已太遲。當然不是說有OT就唔做，如早知有此情況則見工時就應適當地把薪金要求調高！
花紅雙糧人有你無慘絕人寰：「今年有無得去多一兩次日本都要靠份雙糧花紅！」所以記緊要向新僱主查詢有沒有花紅或雙糧、過去一兩年是否正常發放及發放準則等，避免轉工後才發現自己不符而不能拿花紅。你說世上有甚麽事慘得過到最後才發現身邊同事個個有花紅而自己無?
...
