在職場打滾要做到步步高陞，就必須保持良好人事關係，所以不論甚麽情況下離職，亦不應破壞與舊東家及上司同事們的關係，以免令自己名聲轉壞，影響仕途。一日仍有合約在身，於公司工作就像演戲一樣，導演未叫cut，這場戲亦應好好演落去。大家可參考以下離職前後的注意事項，給自己一個華麗轉工!

一.轉工原因唔駛太認真 :「員工轉工的原因有兩點最真實，錢，沒給到位；心，委屈了。」馬雲咁講就好型，但你就唔好咁同你老細或同事講，簡單話「希望有更大發展」、「希望出去學多啲嘢」…雖然老土對方亦知你唔係講真，但切記不要太真實，例如辭職先來投訴那位上司那部門不滿等，這些發洩式說話對你給舊僱主保持良好印象沒有幫助，所以辭職前請準備好一個得體原因，清楚明白簡潔便最好。

二.離職數要問真計真：決定離職後應要計好離職日期及盡可能之前把大假清掉，那天做last day 最有利，亦要計好辭職日期有沒影響能否拿到花紅雙糧，要避免一時找到好工太開心，唔理咁多辭咗職先，如有不清楚應向人事部同事查詢，記住錢係你辛辛苦苦搵來，計好數免蝕底！

三. 做好手尾無人再煩你：把最後負責及交接的工作做好係正式辭職後首要任務，請盡量寫清楚負責及離職交接注意事項給接手的同事，以免他在你轉工後仍要來煩你。

三. 早啲通知等人安心啲：如非必要應給予舊僱主適當或較長的通知期，給予對方足夠時間找接替者及掌握你負責的事項，以免對舊公司做成業務上的影響。亦記著辭職前參閱本身的僱傭合約，以免弄錯離職通知期。

四. 凡事太盡緣份勢必早盡：今天你或有更好的職位而辭職，但切莫一朝得志變得語無倫次，對同事上司說出輕佻或有骨的說話，以免埋下別人對你不滿的種子。請記著今日唔知聽日事，將來更好的職位可能由你現僱主給你，又或你去後發展不佳，若與舊僱主有好關係，有機會可保退路。所以不要做些損人不利己事情，影響了自身名聲就不好。

五. 禮多人會Like：在公司工作一段時間後可能會交到不少好友，亦可能跟不同部門的人埋下牙齒印，離職前請準備散水餅等招待一眾同事，熟與不熟的同事亦可借機機噓寒問暖一番，平時冇機會傾計的靚女俊男同事亦可乘機add埋facebook，有過節的亦可借機化解以往恩怨，更可顯你的大方。

六. 咪做二五仔劃花晒個底：你轉工的新公司可能曾是舊僱主的同行及競爭對手，記著切勿透露任何舊公司的敏感資料，你爆大鑊時新同事上司看在眼裡可能表面上認為你忠心，但暗地裡卻認定你非可靠之人，將來或不被委以重任。認識你舊老闆的新同事更可能會反篤你背脊，而透露任何商業秘密更可能惹上官非，總之切勿犯險！

七.集齊強積金資料隨後管理話咁易：轉工前應先整理好自己的強積金戶口，尤其賬戶結算書，因為當中有齊成員號碼﹑賬戶結餘等，有根有據有跡可尋，到轉工後要整合強積金都唔會「揦手唔成勢」。找不到賬戶結算書？可能因為你的受託人是每年年終時才發結算書予成員，有些受託人如AIA MPF，就每季度發賬戶結算書，比法規規定的每年一次為多，成員亦可選擇隨時用AIA MPF的網上平台查詢賬戶資料，十分方便。

另外，亦要記低受託人的成員熱線，有問題可立即致電查詢。好似AIA MPF的成員熱線，服務時間較一般辦公時間長，星期一至五還有真人接聽到晚上九時，就算放工先想起都可以打去問問強積金事宜。

有關AIA MPF強積金管理費優惠，可致電2200 6288 或到enjoylife.com.hk網上查詢。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Select article category

Search Article

Tag: AIA MPF

做好七件事 華麗轉工好Easy

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist

做好七件事華麗轉工好Easy