轉工係打工仔職業生涯中非常重要嘅轉折點，做錯決定隨時令自己跌入地獄生活，所以每個打工仔都會深思熟慮先做決定。不過好多人喺考慮轉工嘅時候，都只係會諗人工。其實轉工都仲有以下5個因素要考慮!

職位

在選擇申請職位之前記得三思，衡量各方嘅因素。當工作性質同你過往嘅經驗越相似，相對地你就越容易處理。對於抗壓能力較低嘅人而言，不妨考慮往呢個方向前進，集中搜索一些同現職相似嘅職位，舒緩自己嘅壓力。

然而一份高挑戰性嘅工作可以訓練你嶄新嘅技能，例如需同時處理大量事務嘅排序能力，批判性思維等等。經過體驗高挑戰性工作洗禮後，將來就更易適應更高階嘅工作，對你嘅職業發展更有長遠好處。

學習機會

喺申請職位前，你應該先問自己兩個問題：1. 你希望自己喺未來幾年嘅職涯規劃係點？2. 而你嘅目標係咩職位？喺有答案之後，嘗試轉換一個方向去再問自己：到底我需要咩技能或特質先能夠幫助我更快做到目標職位？認清方向後，你可以嘗試搵一份有機會學到所需技能嘅工作，從中好好學習，為將來達到職涯目標做好準備。

薪酬

無可否認，薪酬談判係一個令人生畏卻非常重要嘅過程。因此，求職者同新公司進行談判前，一定要做好準備，要保持放鬆，避免過份緊張；亦應該先查詢目標行業嘅平均薪酬，避免被壓榨。緊記你所獲得嘅薪酬要同你嘅技能和經驗相稱。

工作地點

唔好低估工作地點呢個看似普通嘅因素。雖然一個鐘嘅交通時間好似唔好太大問題，但當你嘅工作量變得太大時，長嘅交通時間就會令你筋疲力盡。

疫情後，唔少公司仍然容許員工遙距工作，令員工可節省交通時間，自己可以掌控嘅時間就更多，所以工作地點都係轉工時要諗嘅一個重要因素。

工作環境

所謂嘅工作環境唔單係局限於辦公室嘅裝修，佈局等等表面嘅事物，所指嘅係一個更為廣闊嘅層面。而當中，最有影響力嘅元素係 “人”。人所指嘅包括公司管理層、直屬上司、同事以及下屬等等。呢班人可謂係建構一個良好嘅工作環境不可或缺嘅因素。

大家都明白同擁有相同價值觀且友善嘅人一起工作嘅感覺有幾好。失意或疲累時，有其他人嘅支持，絕對會令辦公日子變得更加愉快。因此，面試時你應該多問面試官公司嘅文化同價值觀，嘗試多了解公司文化，再睇吓同自己嘅性格、理念係咪一致再作考慮。

綜合上述因素：作出深思熟慮嘅決定！

請緊記，每個人大概每天都會花 8 小時或更長嘅時間喺辦公室工作，記得諗清楚上述 5 個因素，權衡各因素嘅輕重，將時間花喺更值得嘅地方！

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist