又到年尾，打工仔想喺Appraisal 有好表現，博得升職加薪機會，而家就要開始好好準備，如果唔係等到年尾先做就太遲喇！究竟要做啲咩先可以爭取升職加薪嘅機會，即刻睇吓有咩貼士啦！

– 了解自己嘅市場價值

要爭取升職加薪嘅機會，首先要了解自己嘅市場價值，睇吓行業中類似職位嘅薪金範圍。如果你嘅人工一直都係Underpaid，就有一個好好嘅理由要求公司加薪，以追上市場水平。

– 你嘅工作範圍合理嗎？

由於公司人手唔夠、想節省開支，好多時公司都有機會要求你做一啲超越你職責範圍嘅工作。無論咩原因，要求你做超越職責範圍嘅工作都係唔公平同唔專業。曾經就有例子，有UX / UI設計師被要求修復502 Bad Gateway，咁已經超出咗原本嘅職責範圍。如果你發現自己正在做別人嘅工作，或者不斷被要求做一啲唔喺你職責範圍內嘅工作，咁就代表你值得為自己爭取更好嘅待遇。

– 主動承擔更多責任

如果你嘅上司突然畀你參與大Project，開始畀你承擔更多責任，就係一個好好嘅開始，可能上司正制造一個機會畀你表現自己，證明自己嘅能力。如果你能夠好好把握，就係升職嘅好機會。

如果上司無為你制造機會，你都不妨趁年尾自己主動爭取，為自己加分。見到公司嚟緊有大Project，你可以主動要求參與，一嚟可以突顯你嘅主動積極，亦可以藉呢個機會證明自己嘅能力可以勝任更高嘅工作要求，絕對係為爭取升職加薪打造咗一個良好嘅籌碼。

– 積極提出建議

機會可以係自己創造嘅。即使公司未有機會畀你發揮，你都可以自己制造表現自己嘅機會，不妨主動向上司提出有啓發性嘅建議或想法。當你嘅諗法為公司帶嚟正面改變或經濟效益時，要爭取升職加薪就會更加容易。

– 有無同公司渡過難關

所有企業都會經歷高潮和低谷。今日你嘅公司可能做咗一筆驚人嘅交易，成功達到高峰，但第二日經濟危機來臨，意味住公司將受重創。有員工可能會選擇棄船而逃，而其他員工則會留下嚟直到公司平安渡過難關。毫無疑問，呢種忠誠係值得得到回報，當公司再次賺取利潤時，就應該加薪以感謝你嘅堅持和忠誠。

就趁臨近年尾嘅日子，好好表現自己，喺公司及上司心目中留低一個好嘅印象，等你年尾Appraisal 時可以拎出一啲實際例子，爭取升職加薪嘅機會。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Select article category

Search Article

Tag: 職責範圍

趁年尾表現自己 為爭取升職加薪做好準備

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist

趁年尾表現自己為爭取升職加薪做好準備