桃子小姐今年廿七歲，做過三份工，而每份工嘅老細都因為一件事而教訓過佢—「遲到」。桃子小姐返工先開始遲到，佢出世時要呀媽痛足十個鐘，中學經常要跑返學，大學幾乎用盡走堂quota，平時朋友約佢食飯都習慣約早佢一個鐘。「遲到」呢個壞習慣一直困擾住佢嘅人生。

呢一日係桃子小姐第N次返工遲到，平時如果佢遲到都會靜靜雞兜另一條走廊，避免經過呀姐間房。但今日平時行嘅路線竟然畀一堆貨物塞住咗，佢心諗金翅乜乜鳥，唯有硬住頭皮衝埋位。但當佢踏出第一步之際，穿legging的惡魔就從佢身後出現。「哇！係legging呀！」佢已經唔需要再考慮點樣衝埋位，因為佢呀姐拍咗佢膊頭一下，然後同佢講：「放低個袋入嚟我間房。」

桃子小姐心知不妙，佢乖乖地準備入房叩頭認錯，入房前幾十秒，佢已經諗咗幾個解釋嘅籍口，包括塞車、塞地鐵、塞廁所等等，但都冇一個有少少說服力。一入到房，呀姐塊面黑過包公，桃子小姐心諗今次仲唔聽人頭落地？

呀姐首先「唉」咗一氣，然後語重心長咁同桃子小姐講：「我知你一直有遲到嘅習慣，我有冇咩幫到你？」

桃子小姐唔係幾相信自己嘅耳朵，以前每個老細都不停同佢訓話，但呀姐竟然冇！佢唯有老老實實講出嚟。

「其實我自己都唔知點解，我好早起身，但起身之後食完早餐化埋粧就發現已經遲咗出門口。」

呢個理由雖然好難令人信服，不過如果大家身邊都有一兩個遲到狂魔，就會明白遲到嘅人就係咁。呢個係一個壞習慣，可以係冇原因。呀姐都好明白呢個道理，冇可能一時三刻改變一個壞習慣，就算鬧完佢，好快又會再犯。所以決定監察住佢，畀時間桃子小姐慢慢改善。

對時間冇感覺

桃子小姐患嘅係無定向遲到症，佢地大多對時間缺乏一種感覺，往往喺唔睇鐘嘅情況下，都感覺唔到時間過咗幾耐。一個鐘都當兩個鐘嚟洗，望一望鐘已經發現自己太遲。

除咗桃子小姐呢種之外，習慣遲到嘅人仲有幾種遲到嘅原因：

動作特別慢

香港人生活節奏急促，如果要比較人類對腳嘅進化速度，香港人一定係進化得最快。不過，唔知你有冇見過有啲人動作天生比較慢，如果你個人比較心急，望住佢一定炆到爆。由於佢地動作慢，送車尾嘅情況經常出現，遲到在所難免。

決定困難症

去買嘢嘅時候三心兩意，做一個決定要列出十個原因先可以說服到自己嘅人，一樣係遲到嘅高危一族。返工今日化個咩粧好呢？著邊隻色嘅衫好？最後要攪到決定搭的士好唔好。

最後一刻先做

雖然明知朝早時間趕，但所有嘢都要留到最後一刻先做。一起身見有時間就上下網先，上上下先發現夠鐘出門口，到時先換衫就已經太遲了。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Select article category

Search Article

Tag: 生活節奏

習慣遲到的原因

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist