近年唔少公司都開放員工帶寵物返工同辦公室內養寵物（Pet-friendly workplace），喺外國就更加常見。不過，喺公司養寵物引嚟嘅爭議都唔少。有網民喺討論區指老闆想喺公司養貓，雖然大部份同事都支持，但樓主就反對（見下圖）。繼而引發討論，唔少網民都表示羨慕樓主可以有隻貓喺公司陪自己做嘢，仲話樓主如果接受唔到不如轉工。

凡事都有支持同反對，支持嘅人認為係公司褔利之一，有寵物陪着自己做嘢可以減壓，舒緩辦公室內緊張嘅氣氛，做嘢都有動力啲，甚至有人因此而鍾意咗返工。喺International Journal of Workplace Health Management亦有研究證實有寵物陪着做嘢嘅員工，壓力低於無寵物陪嘅員工。 而反對嘅人就會覺得寵物可能會破壞公司環境、損毀公物，同事會掛住同寵物玩拖慢工作進度，而唔鍾意動物、對動物有敏感嘅大有人在，夾硬推行只會令人反感，分分鐘降低歸屬感。另外，公司亦需要安排人手同地方去照顧安置寵物，變相增加工作量。

喺公司養寵物有好處，但同時存在隱憂。不過只要老闆同員工商量好照顧寵物嘅人手同地方安排，並得到所有員工嘅共識，相信喺公司養寵物會係利多於弊。

如果你都想有寵物喺辦公室陪你做嘢，嚟呢度搵下有無Pet-friendly嘅工啦！