問：

諗sir:

本人係公立醫院嘅醫生，月入90,000元，到現在為止有流動資金280萬元。家境貧困，父母沒有辦法幫我比部分首期，但我都想上車置業 。

如果搵上車盤，都希望日後可以樓換樓，所以最好上車盤有高升值能力。請問以我現在經濟狀況，可以買哪裡的上車盤 ( 有高升值力 )？港島沿線有無可能呢？

答：

約十年 ( 2009 ) 前有人打上電台問曾特首，連醫生都買唔起樓，樓價好貴。而家 ( 2018 ) 都係有人來信問筆者醫生買唔起樓，點搞？

2009年報道 ( 生果 )：

任職醫生的聽眾嚴小姐原計劃明年與任職律師的男友置業結婚，她指現時樓價太貴，無力供樓，「樓市應該㩒吓，而家樓市連專業人士都冇可能供得起，貴成咁，係咪矯枉過正？」她更道出不少中產人士心聲，「中產冇要求政府做啲乜，自力更生，但喺買樓方面，被大陸人搶貴晒，香港啲人點呢？」她要求當局調整內地人來港的投資政策，保障港人置業權益。

先回應醫生大哥，一間「易入口」的上車盤更要有高升值能力的，就好似唔想花禮金娶五十中女但又要高生育能力，你咁問係咪玩野先？定係做手術做到傻咗？至於上述文字不含性別歧視之意，或物化雌性。如有女士需要筆者作一段「男版」，請告知筆者，樂意安排。

90,000元月入之借貸力為90,000 / 10,000 x 50% x 2.59 = 1,160萬元，加上自己現金280萬元，假設佢可拎一半出嚟做首期，入手600萬元樓付20%首期借400餘萬元應可上車，即入手600萬元樓冇咩困難。至於600萬Budget，候選佳麗有：將軍澳中心438實呎兩房、堅尼地城嘉輝任選、荃灣愉景新城兩房。僅此免費提供資料比大哥你參閱。

至於若認為呢啲樓Cheap，唔想住？回應是 ( 1 ) 由於醫生都有分不同經驗及儲蓄年期，確實社會存在不少儲蓄達千萬元的醫生去買貴晒啲樓。( 2 ) 不少人賺錢唔係靠工資，一個人月入十萬元不表示在社會上層，因為投資人或老闆無月入之概念。內地人更是「沒有收入」。在內地官階收入與資產數量不對稱是無罪的。

明白現時斷症有電腦輔助，可能入幾個病徵就有藥出，唔使諗。對於一些無嘅定答案的問題，實在難倒醫生哥。

時興彿系生活，嘅然筆者今次免費作答，好應大家有來有往，想請教醫生哥以我現在的肥胖狀況，有冇唔運動、唔食藥、唔做手術介入的方法，而可以練成低BMI指數身體 ( 有高顏值 )？唔節食有無可能呢？

有！當我個仔第時當上飛機師，仍然返屋企唔請我飲茶仲要伸手要首期買樓嘅時候，筆者就可自然瘦。

以上文章刊於《招職》。