諗sir，本人正煩惱應該點做先啱，因無呢方面的知識。以我們現在的情況，下一步應該如何是好？

情況如下：

本人：30歲，月入27,000元 ，扣除家用、保險及基金等，月儲10,000元。

太太：28歲，月入30,000元 ，扣除家用、保險及基金等，月儲15,000元。

二人合共資產：現金155萬元，股票12萬元，iBOND 8萬元，基金60萬元﹙下稱A基金﹚，沒有小朋友，無借過錢，無樓，不用交租，現居住家人的村屋﹙有三層那種﹚，但希望有現金流，日後買樓有自己的家。

問：

本人明白不同投資物的特性，但不知點分配比較理想。 我們現在有大約155萬元現金，應該點分配幾多去債基？以現時情況，投入資金到債基收息8-10%風險是否不太高？我們很保守，想比收15%息之債基更低風險。另外如要保本，買大約5-6%直債可取嗎？

答：

讀者年輕，儲蓄水平亦良好，收入在香港算是蠻好吧。不過家庭收入57,000元在香港過活應仍感艱辛。可幸是父母提供村屋居住，亦因此事在結婚之前無想過買樓，錯過由2009年至今的樓價倍升潮。觀及不少師兄的個案是人到40，才發覺之前家庭的護蔭令自己少去理會財務問題，以致有恨錯難返的心情。讀者人到30，還是建議用家庭借貸力 = 57,000 / 10,000 x 2.59 x 50% = 7.38MIL的一半，買樓上會，對沖樓市再升風險。

債基、直債，雖是無年期及有些是保本、息口亦算吸引，對比樓房投資債券類收息沒有可對沖通賬風險之作用，相反買樓收租是有得。懂得運用更可享低息而長年期攤還的樓按，令債務隨時間貶掉。通貨膨脹，窮人手裡的錢只能買愈來愈少東西，富人手裡的債務則會愈來愈不值錢。

但通貨緊縮呢？無錯窮人到時的錢可以買多咗野，不過窮人所佔的「財富百分比」相比富人會跌至更低，所以到「沙士」低位撈到平貨的都係富人。經濟好同差比，相信窮人喺通賬的時候成功脫困成為富人的機率還高一些。所以大家還是希望樓市向好，未經思索就一味想樓市大跌對自己無好處。

至於讀者買的A基金，筆者持了同類的B基金做比較，發覺A基金有幾個特點：

1. 2014年全年B基金升13%而A基金倒跌6%，認真無面。

2. 數值0.93，代表A基金比大市﹙可以係同恆生指數比﹚仲行得慢。

3. 年度化為17%而風險系數為17.01，相比B基金年度化升21%而風險系數為15，即表示後者可在獲得更高回報之同時承受更低的風險。

那筆者是否叫人買B基金？當然不是，因為兩隻都唔抵買。只不過INVESCO比水平線下的更差。各位請不要因為一隻基金年初至今升22.38%就覺得佢好，就如早前有讀者問「1 蚊的股票貴唔貴？」，明顯是只睇價錢﹙數字﹚大細做決定，這樣的思維會導致投資輸錢是肯定的事。好同唔好是相對的，市升的時候物價亦飛升。所以投資不是睇數字而是要學懂點比別人做得更好！

讀者買「中細價樓」可九成上會，動用資金少於50萬元，那不妨沽走INVESCO買樓。另外如讀者想將剩低的錢保守處理，那不妨用債基方法但收息只在年8-10%，風險自能降低、而基金選取就用2008年海嘯只跌少於3%那一隻。希望讀者在投資路上萬事如意。

圖：Bobby Yip

以上文章刊於《招職》