問：
你好諗Sir！本人有一自住物業一半之業權，現時40幾歲，有數百萬現金，沒其他物業，與家人租住黃埔，生活原是安穩：
 
物業估計1,200萬元，尚欠300萬元貸款。由於另一投資者想套現，佢叫我一係買埋佢嗰份，一係賣咗佢，但要連租約賣。若買埋佢嗰份，本人收埋租只剛達至收支平衡，對每月現金流壓力很大，幾乎沒錢儲。若賣樓，可趁機轉買英國樓，或保留現金買入高息股收息或買債收息。十年後打算旅遊退休，長住於生活指數低的地方。
 
請教諗Sir在現況樓市及股市情況下，該如何部署？感激！

答：
可能不少人都有此想法，十年後仔女已大，自己又五張幾，不如拎錢去泰國嘆世界，英國睇下波算數。早前英國樓課程後有學生表示，住英國使費唔多，所以真不用擔心消費比香港高。然而筆者係個好動的人，要我當Fish and chips係美食更要應付英國天氣，真係唔係我杯茶。點都好，一個人擁共有業權的樓，如何為自己部署往後生活呢？
 
若果港元脫勾掛人仔，香港銀行將大傷特傷，因買樓就如沽空港元，先借大量港元而攤長30年還。一旦你成手美金而港元貶，即係你月供如17K港幣，可用更少港元買到。這亦是不少人開始累積美國國債之原因，一是美金計轉本位、二是為萬一港元出現不利消息而準備。留意我們是要為「壞天氣」準備，而唔係估壞天氣嚟唔嚟。所以不要花太多心神估英國樓升定跌、英鎊強定弱。投資看自己需要及能力是否負擔到。就好似金融海嘯比你40蚊樓下買到滙豐，你能否揸到80元放，很看閣下總資產量。
 
網上有人流傳「走資」方法，除了報紙賣過叫你去滙豐開個卓越戶口然後再申請遙距開海外戶口之外，亦有人教去Charles Schwab去開股票戶口 ( 用BNO護照開 ) 然後轉美金，靠在香港沒掛牌的證券行開戶，然後入錢就把資金轉去美國。然而轉去美國，筆者擔心一旦中美真敵對，你在老美的錢就GG了。當年美日打仗，成班留美的日裔人都要困入集中營隔離，人都可以困，錢就自然唔使諗拎返。何況入得Charles Schwab的客，基本上有樣睇。筆者先勸你慎入，除非你喜歡美國式歧視。至於滙豐卓越濫到成街人都有，知道嘅幫手問下而家等三個月使唔使？同埋開當地戶口只可先開當地Currency的戶，例如開英國，一開波只比英鎊戶你，要些方法才可搞到外幣戶。當然你亦可開個滙豐尚玉戶，快少少，但戶都係先只開英鎊比你。不過拎800萬元出嚟開尚玉，中埋PI，又何不Join筆者收息103舊生專屬的新加坡私銀開戶講座，由香港填文件直開新加坡呢？更有Private bank的融資低息。
 
筆者認為讀者可賣樓分錢，最大原因是揸1,200萬樓唔著數。現今按揭政策下600萬樓可按到八成上會，120萬承起600萬嘅樓，一旦間600萬樓升至800萬 ( 升33% )，你用120萬首期賺咗200萬，用首期計回報超160%。若買1,200萬樓要600萬首期，又如1,200萬樓升33%即1,600萬，你比600萬首期賺400萬，只66%。所以計得出揸細樓比較易出貨及價較硬淨。

分番400-500萬元，將一半錢拎去買英國樓，問題不大。筆者介紹Ken Wong比你識，佢9月5日會嚟同我地講英國二手樓講座。市面上大把一手樓講座唔使錢，但我們同Ken辦的二手樓講座就要收費，原因相信你懂的！另一半，轉美金揸美國國債，買債基B餐，又可避免港元不利消息之風險。過去一季，債基B餐升多跌少，季結仍是升，你就知筆者當提的方案有多穩。至於你靠免費貼士買股票想賺錢？如今只好勸你再想一下。債基250萬投入收12-15%年息，即一個月收成25K租，至於英國樓5% yield唔難有，扣埋稅雜你當4%一年，即月月收約9K港幣。就咁把讀者錢先轉海外，再產出36K被動收入。剩低香港的錢，作流動現金自不理。等收息同租好再加碼未遲。