問：
我今年26歲，有穩定職業，月入47,000元，現有140萬元資金在手，打算三年後結婚。
我打算今年內買樓，一來想盡早上車，二來想把物業租出去賺取租金回報。我知道物業如果要租出去，最多只可以按五成，以我現在資金並不足夠。
我父母有一個已經供完的自住物業，銀行估價700萬元。如果我把父母的自住物業加按套現200萬元，由我負責供。用這200萬元和我手上140萬元資金，購買另一個物業，就可以做到五成按揭，合法租出。
請問：
1. 銀行會唔會容許我這樣做？
2. 父母自住物業樓齡已達30多年，能否做到30年貸款？如果不能做30年，我擔心我過不到壓力測試。
3. 資金還有其他用途？
答：
有些人將打算出租嘅樓，報了自住按到八成，偷偷租出。咁做可省首期，唔好嘅地方在於違反你同銀行之約定，後果及買樓001的師兄怎去處理？還在課堂上交待，不好公開。提提過咗借錢呢一關，仍要應付一些部門之信件或其他途徑查詢，例如稅局、差餉估價處、香港按證、食環處等。
例如你間偷偷地出租嘅屋，被樓下投訴緊你漏水，租客又唔肯開門，點拆？又例如你有人發現租客有日無交租，返睇屋苑CCTV發覺佢早一晚執野走咗，究竟清唔清佢啲嘢好？先在此給個思考予大家。我地先比少少方向，如漏水樓下投訴會去食環署，食環會係你屋門口貼紙話佢搵過你，叫你Call back，要做滲水測試。
我們的文章，主題是實用性理財；我們不會浪費你時間講巴菲特思想，而係講解步驟及點做！因為我們提及的Project：學生宿舍、債基派10-20%年息、直債槓桿在私銀、保險收息、問銀行借貸，全部老師及同學都有做過，當初花了不少時間及金錢才獲此等經驗。
至於讀者將父母樓加按預先透支完成自己目標，讀者收入47K，借貸力為47,000 / 10,000 x 50% x 2.59 = 608萬元。如果讀者利用200萬元借貸力將父母樓加按錢出黎，仲有約408萬元借貸力留嚟自己買樓。當然讀者可將200萬元加自己140萬元資金共340萬元作首期，五成上會報明收租物業，好處是收返嚟嘅租之七成可作按揭核實收入，假設租金收入為15k，讀者總收入增至 ( 47,000 + 15,000 x 70% ) x 2.59 x 50% = 744萬元。但如選八成上會，買500萬元樓，首期只用100萬元而月供增至400 / 259 x 10,000 = 15.4k，但留了更多現金在手，有感後者更為可取。
當然父母樓的200萬元可照按出嚟，供款要每個月7,000至8,000元，而200萬元可試逐步投入債基收息，趁後生試好20%年息的收息方案，往後日子十分有利！200萬元分三注入，由10月入下一個月就有息派，收返半年自然知派息好唔好，月結單有寫。咁做總好過拎大碼錢去做期權或甚麼夾錢開餐廳，將最難玩嘅生意變收息工具，諗到咁Sell人嘅真係埋沒良心先做到。
200萬元收住15%-20%年息，一年已多30萬元或更高收入，等於47k人工即加至70k！計埋按了200萬元出嚟要過8k，讀者仍增了被動收入。趁後生開始產出被動收入，大個就唔使睇老細面色。最後是40年樓齡之下的樓，一般按到30年的。( 唐樓、村屋另計 )
*以上內容及資料僅屬個別作者的個人意見，並不代表www.cpjobs.com的立場。
