爭取加人工是職場最大挑戰之一，如果你上半年有出色表現，又值得放手一搏，以下四招可以幫到你。

記低今年工作成績：爭取加人工都要有理由，所以最好先整理好自己今年對公司的貢獻，例如跑爆數、零缺勤、為公司帶來額外收入、搵到新大客等見得人成績，做Appraisal時就可以攤出來同上司「講數」。

自我增值：職場如商場，人力資源都是明買明賣，老闆們拍板加人工後，都期望員工可以為公司帶來更大回報，所以你最好列出自己今年學識幾多新技能，來年又可以提升多少生產力或挑戰新項目，從而說服老闆值得加你人工。

打聽市價：想知自己係咪Underpaid唔使靠估，政府統計處或不少顧問公司都會提供各類工種職位的市價，比對一下就知道自己人工係咪低於市價，如果係就大條道理爭取加薪。

挖角預警：如果你在人事顧問公司登記資料，應該久不久都會收到一些招聘邀請，又或你自己有一定人脈的話，亦可能收到其他公司打聽你的跳糟意向，這些機會都可以用來預警一下對加人工要求「Hea應」的老闆，人工無得加就唯有跳糟幫自己加人工。

Plan B：自己人工自己加

爭取加人工不成，自己與上司之間肯定有一條刺，所以你應該準備定Plan B，運用cpjobs.com的「Job Alert」功能，成為會員後，選擇「關鍵字」、「工種」、「行業」等個人化搜尋條件，系統便會自動幫你配對好工，即時掌握適跳糟加薪機會，人工自然有得加。

文：Peter Cheung

圖：Shutterstock

以上文章刊於《招職》。