返工燃燒腦力同體力，減壓良方係放Lunch或放工食下好嘢。其實唔少區都有富特色嘅減壓熱點，既有適合與同事食飯吹水嘅餐廳，亦有適合單拖一人放空嘅小店，甚至有適合成Team人邊食好嘢邊開Brainstorm會嘅好地方。以下嚴選清單，總有一間切合你嘅叉電需要，部分餐廳更加向cpjobs讀者提供獨家優惠，仲唔立即行動！
【港島】
上山頂「食遠飯」-- 太平山餐廳
成Team人贏到張大單要慶功？又或者度新Project度到頹晒，想放鬆下搵下新靈感？中區上班族遇到呢類難題，做阿頭不妨考慮策動上山頂太平山餐廳「食遠飯」，等隊友喺古蹟入面享受美食回氣叉電！
太平山餐廳有百年歷史，被列為香港二級古蹟。入面裝修風格古典優雅，天氣好嘅日子坐室外位置，仲可以睇到山頂迷人嘅景色。
除咗景色宜人之外，食物仲非常吸引，性價比高。餐牌有多國菜選擇，由印度咖哩到炭燒美國牛柳都有，一定有一款啱口味。而家經KLOOK購買，仲可以用超抵價歎生蠔套餐。原價$389有半打生蠔加白酒嘅套餐，依家有低至48折優惠，只需$200就食到喇！cpjobs讀者更可尊享折上折：由即日起至2020年3月1日，首1,000位只要輸入優惠碼「CPJOBS15」，可獲得額外85折 ( 或最高港幣100元 )，令成Team同事嘆得更爽。
購買傳送門：太平山餐廳
放空好地方 -- BLUEBIRD COFFEE
做嘢做到腦實實，又或者攰到勁想Hea吓，呢類情況你未必有力氣食餐勁，反而應該搵間文青小店歎杯靚啡放空一會。
Pic｜bluebirdcoffeehk@ig
位於西營盤嘅BLUEBIRD COFFEE，店面以藍色為主題，門面採用唔同嘅線條，以藍色同銅色交叉重疊，勾畫出佢地嘅設計。簡單嘅背景，營造出優閒氣氛，最適合純粹想品味咖啡輕鬆嘅上班族。
當然咖啡先係重點啦！店內除咗提供鮮奶咖啡同黑咖啡之外，仲有單品手沖。外賣咖啡杯設計顏色多樣，上面印有唔同嘅咖啡字句，例如：No coffee; No workee，相信係唔少打工仔心聲！必定令身心疲勞嘅你會心微笑。而家cpjobs讀者更可尊享優惠：由即日起至2020年3月1日，首1,000位只要輸入優惠碼「CPJOBS15」，更可獲得85折 ( 或最高港幣100元 )。
Pic｜bluebirdcoffeehk@ig
購買傳送門：BLUEBIRD COFFEE
吹水必備手工啤 -- 何蘭正
放工想搵個好地方與同事吹下水，食下嘢，歎下手工啤，何蘭正就絕對適合你！舖頭裝修走懷舊老香港路線，員工都着住舊式茶記白衫。店內不但有多達十款不同本地釀酒廠嘅手工啤酒，仲有好多來自唔同國家嘅啤酒。如果啤酒唔啱你，餐牌都有其他好似紅白酒同雞尾酒嘅選擇，實有一款啱你。
飲酒又點可以唔食野呢？千祈唔好睇少呢度嘅野食，有別於其他酒吧嘅食物，何蘭正嘅餐牌非常有誠意。有多種特色料理，用靚料炮製港式料理，就好似下圖嘅北海道銀聖鮭 ( 燒霜 ) 配三色香油 ，開胃番茄冷湯同三文魚籽咁，一睇就知非常鮮甜。cpjobs讀者更可尊享優惠：由即日起至2020年3月1日，首1,000位只要輸入優惠碼「CPJOBS15」，可獲得85折 ( 或最高港幣100元 )，咁就更加正喇！
Pic｜65peel@ig
購買傳送門：何蘭正
【九龍】
職場好姊妹打卡談心熱點 -- DAZZLING CAFE
同職場好姊妹放工後或周末出來傾下心事減減壓，當然要搵個富有浪漫氣息、又可以打卡、又有靚靚甜點嘅地方。
喺台灣已經開業十年嘅Dazzling Cafe，喺香港有兩間分店，分別喺尖沙咀同埋銅鑼灣。店內嘅裝修貫徹品牌走嘅粉色少女路線。一行入鋪頭就覺得每一個位都係打卡位！相信大家嚟到依度要搵個靚嘅影相位一定無難度。
唔止裝修非常少女，連食物同飲品都一樣。店內主打蜜糖吐司，每個吐司嚟到嘅時候上面都有豐富嘅裝飾。見到厚厚嘅吐司被雪糕、水果、朱古力醬咁包住，未食都已經覺得非常幸福！飲品方面除咗有唔同嘅水果主題飲品之外，仲有芝士奶蓋嘅選擇，愛甜嘅OL必定受落！cpjobs讀者更可尊享優惠：由即日起至2020年3月1日，首1,000位只要輸入優惠碼「CPJOBS15」，就能夠獲得85折 ( 或最高港幣100元 )。
購買傳送門：DAZZLING CAFE
重拾認真「初心」-- HANDS ON COFFEE
工作上遇到挫折？升職加薪未符預期？事業發展陷入樽頸位？與其唉聲嘆氣，倒不如睇睇職場高手專注投入的「示範」，幫自己重拾為事業打拼嘅「初心」。
由世界冠軍經營的HANDS ON COFFEE，水準一定有保證。店家嘅強項係手沖咖啡，以超班技巧沖煮出適合客人嘅口味。咖啡師仲會喺客人面前沖煮咖啡，令客人可以欣賞整個飲品嘅製作，親身看到咖啡高手專注投入的態度及手藝，讓你感受職人對工作的熱情，工作負能量即時一掃而空。
空肚飲咖啡對個胃唔好是常識吧？所以呢度都有唔少嘅食物俾客人選擇。咖啡襯返個All day breakfast仲唔係完美嘅Weekend brunch？cpjobs讀者更可尊享優惠：由即日起至2020年3月1日，首1,000位只要輸入優惠碼「CPJOBS15」，便可獲得85折 ( 或最高港幣100元 ) 優惠。
購買傳送門：HANDS ON COFFEE
【新界】
吸收安多酚 -- Forest Cafe
要拋開工作壓力，另一有力門路係欣賞自然翠綠景致兼吸收安多酚。Forest Cafe位於林錦公路，前後左右都被樹包圍，話佢真係置身於森林都不為過呀！肯定係吸收安多酚上佳地點！
Pic｜Mojil@ulifestyleblog
小店外面牆身以白色為主，入面嘅傢私同擺設就以木製為主。天氣好嘅時候會開放室外位置，可以喺陽光下飲杯咖啡，食下嘢，諗起都覺得好放鬆。
Pic｜yk.wing@ig
食物方面主要以漢堡為主，都好受食客歡迎，因為用料非常充足！飲品就以咖啡為主，放假揸車入去遠離塵囂嘅地方，可以親親大自然，影下相，順便放鬆下。
好同事傾吓計 -- STUDIO – COHEE
有時候只想同一、兩位最交心同事靜靜地傾下計，如有此「需要」又怕在旺區撞到其他同事，就不如去遠啲訪尋隱世靚啡。
Pic｜coheehk@fb
如果大家唔係住錦田，相信都會比較少去呢個地區。竟然又比我搵到呢度有間咖啡小店，一定要同大家分享下！位於錦田市嘅一個轉角，店舖設計簡潔，大部分牆身都用落地玻璃代替，透光度足，日光滿滿嘅店，令人入到去都覺得好舒服。
Pic｜coheehk@fb
叫得「Cohee」相信都係專心做咖啡嘅專家，飲品嘅選擇大部分都係咖啡。由大家熟悉嘅牛奶咖啡，到手沖咖啡都有得選擇。非咖啡類就有幾款茶類飲品。除咗咖啡，都有啲輕食同蛋糕供應。值得一提嘅係，呢度嘅價錢比市區嘅略平，大家不妨一試。
戶外「工作」-- LITTLE COVE ESPRESSO
放假仲要趕Project好慘？與其在屋企愈做愈忟，倒不如試試來一次戶外「工作」，喺一個恍如置身外國渡假勝地嘅Cafe，一邊享受美食同精緻飲品，一邊趕工，生產力可能加倍提升。
Pic｜littlecoveespresso@fb
位於西貢的LITTLE COVE ESPRESSO，簡直喺西貢建立咗一個小澳洲！簡約設計、大量室外坐位、落地大玻璃善用日光，全部都非常澳式。
Pic｜littlecoveespresso@fb
澳式咖啡店嘅Brunch當然都唔會令人失望。每一份嘅擺盤都別出心裁，用料新鮮。除咗有多款 Open-faced sandwich、沙律之外，仲有依家帶領健康飲食潮流嘅Smoothie bowl。餐牌嘅選擇都較健康，醒胃又醒神！
