「心態影響高度」呢句係老生常談，但心態嘅嘢無色無味無臭，身邊有幾多成功實例，你又睇唔睇到？今日喺度同大家講一個關於心態影響成就嘅真實故事。

呢件事發生喺一間叫菜菜子嘅連鎖零售公司。眾所週知，素有購物天堂之稱嘅香港，高昂嘅租金喺宇宙間都享負盛名。喺尖沙咀、銅鑼灣最旺嘅地帶開舖頭，一年嘅租金，一般打工仔一世都唔知搵唔搵到。菜菜子公司喺呢啲旺區都擁有舖頭，要搵到錢，除左產品做得好，仲好依靠員工嘅銷售技巧同工作態度。

菜菜子公司裡面有兩位店舖總經理，分別叫油麥菜先生同火箭菜先生。佢地喺尖沙咀同一個商場，分別要負責管理一間舖頭。近幾年自由行旅客減少，再加上高企嘅租金，零售業面對好大嘅挑戰。要喺市區維持一間店舖實在唔容易，結果兩間舖嘅表現都強差人意。

有一次喺公司嘅大會上面，大老細就向油麥菜先生同火箭菜先生照肺：

「點解你地近排啲數咁差？」

首先發言嘅油麥菜先生就話：

「老細，你都知啦，個市又差，啲租又貴，好難做呀。我又成日都唔夠人用，HR又請唔到人，Marketing 嗰邊啲宣傳又出得慢，攪到錯過曬啲旺季。而家啲客好多都係window shopping，我已經叫啲Sales call啲舊客，但都冇乜人肯落嚟買，真係好難攪呀。」

聽完油麥菜先生講，老細轉頭問火箭菜先生：

「你嗰邊係咪都係咁？」

火箭菜先生：

「我嗰邊人手都唔夠，我明白應該要改善，但我地諗緊方法處理。」

老細：

「你地都要諗方法處理，三個月後我地再review。」

喺呢三個月裡面，火箭菜先生同油麥菜先生分別用咗唔同嘅心態去面對難題。火箭菜先生喺呢三個月裡面，不停同同事研究新嘅市場策略、放下總經理架子親身落舖研究貨品擺設、同時為員工提供銷售培訓。而另一邊箱嘅油麥菜先生，佢依然將問題歸咎於HR請唔到人、Promotion 做得唔好，結果係生意越嚟越難做。

到咗三個月後嘅大會，老細再review再位總經理嘅成績。火箭菜先生嘅舖頭生意額大增，相反油麥菜先生嘅舖頭甚至出現虧損。老細都唔係傻，佢雪亮嘅眼睛一眼就睇得出邊位總經理有更好嘅工作心態。就喺大會嘅兩個月之後，老細將升職嘅機會畀咗火箭菜先生，而油麥菜先生喺尖沙咀個場間舖甚至要決定結業。

喺呢個故事入面，兩位總經理面對相同嘅處境，但結果就截然不同。分別在於油麥菜先生嘅心態係選擇將問題怪責喺其他事物上面，冇諗過自己可以係問題嘅原因。相反，火箭菜先生就選擇將問題擺喺自己身上，認為自己有改善嘅空間，逼使自己做得更好。

當面對問題嘅時候，到底我地嘅心態係傾向將責任擺喺自己身上定係別人身上？呢種心態堅係可以影響我地嘅高度。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist