多謝Google策動的工作間革命，令全球打工仔認識到原來公司福利可以提升至零食任食、汽水任飲這個新層次。但當見工時聽到老細Sell呢項福利，係咪應該自動判斷呢份係筍工呢？

糧餉福利變相鼓勵無限OT？

汽水、即磨咖啡任飲，各式零食、水果任食，甚至用餐津貼，幾乎都係外資大機構例牌福利。事實上，外國上班族對任飲任食這項福利相當重視，外國有調查指出，有88%上班族認為公司提供零食好重要。因此在人才競爭激烈的美國，大企業對飲食福利相當落本，年年加碼不手軟。

聽起來很吸引，不過唔少曾在美資企業工作過的上班族都認為起初看到茶水間，又或座位附近的大櫃，塞滿各款零食，又有大雪櫃放滿各類果汁、汽水，再加上功能先進的即磨咖啡機，心情難免相當興奮。

不過工作了一段時間，就發現任飲任食是一項推動你加時工作的誘餌。皆因公司有強勁的糧倉，叫外賣又有津貼，你自然毋須擔心開OT無嘢落肚的問題。又因為長期享受公司提供的飲食恩惠，你亦會不自覺地更賣命工作，於是每個星期有三、四日工作十五、六小時係等閒事。

至於一支公住的同事，情況就更嚴重。因為他們返到屋企都係對幾幅牆，自己煮又怕煩，買外賣又要自費。對他們來說，留守公司繼續工作，既可以搞掂晚餐及宵夜，又可以消磨時間，於是這班同事就更會視公司為家。

健康成本難以估計

任飲任食福利另一大大大問題係，你付出的健康成本難以估計。既然唔使錢兼不斷供應，隨手開零食，汽水果汁當水飲基本上無心理包袱。至於咖啡友，就更加一杯接一杯，一日飲五、六杯咖啡係家常便飯。

高糖高鹽零食、果汁、汽水，加上咖啡，長年累月就會換來「三高」體質，再盡情開OT令自己唔夠瞓，衰老情況就變本加厲。所以有上班族過了兩年任飲任食生活後寧願轉工，只因唔想身體差下去。

了解到飲食福利的潛藏陷阱及代價後，身處福利微薄公司的上班族，或許可以慶幸無零食福利都有好處，無得免費任飲任食你自然會專注工作但求快快放工，長遠而言反而有賺。所以福利嘅嘢，往往都係針無兩頭利。

文：Peter Cheung

以上文章刊於《招職》。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist