【寫靚份CV】3分鐘揀啱字型，贏得決勝分
有冇見過人踢拖、背心、短褲咁去見工？CV用錯字型，嚴重性就好似着錯衫去見工一樣——見光死，任你張CV吹到曉飛，面試對答如流，都改變唔到interviewer對你嘅印象，因為根據研究，第一印象會喺3至5秒內形成，而且持續好長時間，今後都好難再改變。
如果你為咗面試買咗套suit、皮鞋，出發前仲要gel頭，咁實在冇理由唔花3分鐘為你張CV化個靚妝先send出街見人。
同樣嘅字型仲可以用喺Cover letter，就好似西裝外套要襯番條西褲同對皮鞋一樣，除咗好睇之外，視覺上consistent啲，感覺更pro。
...
