絕大部份人都唔知自己其實需要一個Professional Bio，直至忽然有人要求，先至臨急臨忙潦幾隻字。結果，好多人嘅Professional Bio就會係咁嘅樣：

“I am a content marketing professional at ABC company. I am responsible for content ideation with business-changing storytelling skills. Previously, I worked as a marketing manager for a marketing agency and served a lot of well-known brands, such as Apple, Google, LV, Cartier, etc. I graduated with honours from Hong Kong University with a degree in Marketing.”

真係悶到呢，自己寫完都唔想proofread睇多次，何況係日理萬機嘅HR同老細，而且仲有種「我睇咗啲咩」嘅感覺，睇完已經無晒印象。

點解要寫Professional Bio？

其實Professional Bio重要性同影響力拍得住Resume同Cover Letter，因為佢用途廣泛，到處都有佢嘅身影：

cpjobs等搵工平台嘅個人profile
個人網站/網誌嘅「About」頁面
社交網絡平台如LinkedIn、Twitter嘅profile，如果有人Google你個名，好大機會見到
各種marketing materials、計劃書、報價單、標書
公司網站
報告、專業文件、授權轉載嘅guest blog post

Resume同Cover Letter都係主動send出去，而且有比較確定嘅目標讀者；相反，Professional Bio會喺好多平台出現、可以share、可以轉發，一旦擺咗上網，咩人都有可能睇到，所以更加要寫得好，尤其是從事顧問、提供專業意見同服務嘅行業，可以增加你喺潛在客戶心目中嘅可信度。

你有冇試過Google自己個名？如果你冇幫自己寫過Professional Bio，可能根本冇任何相關嘅搜尋結果，但係最壞情況係有負面嘅新聞/資料，你嘅個人品牌（personal brand）就會喺你不知不覺間受到損害。

如果你有幫自己寫Professional Bio，就可以提供正面嘅聲音，甚至可以將負面嘅新聞/資料推到去搜索結果頁面嘅第2頁，將曝光度同負面影響大大減低。咁有用，難怪branding專家都將Professional Bio當係塑造個人品牌嘅重要工具。

寫法要點用第三人稱

Cover Letter同Thank You Letter等一般搵工用嘅文唔同，成個Professional Bio都唔用第一人稱代詞，即係「I」、「me」、「my」、「we」、「our」等，而要用第三人稱，首先用全名，例如「 John Chan」，跟住可以用名「John」，或者代詞「he」、「 his」、「she」、「her」等。

如果你從未寫過Professional Bio，咁依家可能係你第一次用第三人稱嚟寫自己，其實係有好多不為人知嘅好處。

1. 更容易Share

上面提到，Professional Bio用途廣泛，喺公司網站、計劃書、標書等等都會出現，喺果啲情況，其實就係由第三方介紹緊你，如果你用第一人稱嘅話，佢哋仲要轉番做第三人稱；如果你一開始就用第三人稱，佢哋照copy&paste已經搞掂。

2. SEO（搜尋引擎優化）

喺你嘅Professional Bio入面寫出你嘅姓名可以幫Google容易啲辨認到呢篇文係關於你嘅，咁搜尋你個名果陣就會排得前啲。如果用第一人稱，你會點寫？除咗「My name is John Chan」或者「I am John Chan」之外就冇乜其他寫法啦，之後只可以用「I」，好難再好自然咁寫「John」。但係用第三人稱就可以喇。

3. 真心話用第三人稱講，真心啲呀嘛

用第一人稱講自己嘅嘢，好易俾人感覺過份謙虛或者驕傲，例如：

I am a competent manager with years of experience.

同一句說話用第三人稱講：

John is a competent manager with years of experience.

我睇咗啲乜嘢？

見過有啲Professional Bio洋洋灑灑幾百字，但係睇完冇留底任何印象，唔知佢究竟做咗啲乜，有乜成就，問題往往就出喺用字方面。

典型嘅例子就係用字軟弱無力、籠統，例如「我負責……」、「我熟悉……」、「我幫手……」，呢類詞語平舖直敍，一用咗呢啲詞語開頭，後面就只可以跟一抽job duties，好自然就寫唔出任何成就（accomplishment）。你唔會講「我負責成功開發10位新客戶」㗎嘛。

Hard worker/hardworking
Responsible
Familiar with
Utilize
Responsibilities include
Assisted
Helped With

另一種情況就係係濫用流行語（buzzword），意圖營造一種「我走喺行業潮流趨勢嘅尖端」嘅感覺，但係好多流行語其實係似是而非，空洞無物，講咗等於冇講，甚至已經過咗時，成為陳腔濫調（cliché），例如：

Thought Leader
Guru/Ninja
Strategic
Innovate
Disruptive
Team player
Big Data
Paradigm Shift
Outside the box
Excellent communicator
Leverage
Business-changing
Synergy
Proactive

結構同內容

下期再詳細講解，仲可以下載templates。

Career Advice Career counselling, advice and guidance Select article category Select article category Productivity TipsWorkplace EnglishIndustry StoriesJob Search in Hong KongHR Career SuccessHow to Get PromotedCareer Path PlanningCareer Coaching & GuidanceAdvice Columnist

Select article category

Search Article

Tag: SEO

【職場實用英語】萬用嘅Professional Bio (Part 1)

Career Advice Career counselling, advice and guidance
Select article category

Select article category

Productivity Tips
Workplace English
Industry Stories
Job Search in Hong Kong
HR Career Success
How to Get Promoted
Career Path Planning
Career Coaching & Guidance
Advice Columnist