地雷一:「唔跟封面」效應
過去唔太興喺履歷表 ( CV ) 上放相,不過自從有了社交平台後,大家都會想起社交平台有Profile Pic,咁履歷表 ( CV ) 放張造型照都好合理吧。
講到履歷表 ( CV ) 擺相,不少人都會想到自己個樣見得人先有分加,否則只會扣分吧。有了韓式影樓再加高科技執相後,這個問題就唔成問題了。只要你個樣唔算太騎呢,執靚個造型再經專業攝影師拍攝、後製,造型相至少較真人靚三倍。
但大家都聽唔少社交平台Profile Pic與真人相差太遠的笑話,同樣道理,你張履歷表 ( CV ) 照片星味十足,到真人現身又如此平凡。負責面試的人見到真人「唔跟封面」效果,自然會心中暗笑,悶悶地甚至會直接問你仲乜真人同張相爭咁遠。因為一要靚相換來尷尬,「唔跟封面」效應更令你見工無下文,確實係搵嚟搞。
地雷二:Add Value作用有限
曾有外國人力顧問專家不客氣地指出,履歷表 ( CV ) 擺相反映求職者個人判斷力有問題。此評論可能略為「激」,不過著重比經驗、比知識、比能力的工種,你擺張相落履歷表 ( CV ),Add Value作用有限,更會令揀人的主管有「唔知點」感覺。
咁你會疑惑,花錢整張靚造型照豈非白費心機?咁又唔係,你面試時填Form,登記網上履歷表 ( CV ) 或專業社交平台Account時,這張相都用得著。還有一個例外情況,嗰啲強調創意、會要求你自拍短片的公司,你在履歷表 ( CV ) 整張型爆造型照,相信揀人嗰位都會相當歡迎吧。