Ming醫師，最近寶寶經常話肚痛，點算好？中醫認為小朋友肚痛有五個原因：凍親肚仔、食滯、脾胃虛、瘀血同生蟲。

現代小朋友多接觸生冷食物，例如雪糕、凍飲，凍親肚仔的腹痛可用暖水袋敷痛，可以舒緩疼痛，亦可以用姜水擦身，或者熱水浸到溫熱的姜片敷肚臍亦可祛風散寒。

食滯亦是最常見的原因之一，亦多見於胃口好的小朋友身上，食量多，食物種類多，小朋友的腸胃消化不及，家長又要求小朋友繼續食，便可能會出現食積，而且食積可以慢慢累積的，會進一步影響到胃口，形成消化不良、偏食等習慣，如見小孩易腹脹、口氣重、大便特別臭，那就要一些消食化積的中藥來輔助一下，如六神曲、雞內金也是不錯的選擇。

另外，脾胃虛可見腹痛類型是隱隱作痛，應適量地多食鮮准山，同飲蜜糖水養胃補脾；如有撞親過都會留可瘀血影響臟腑運作的，不過當然最穩妥就是讓醫師望聞問切診斷一下！最後生蟲當然要食藥杜蟲啦，但現代來說，衛生意識加強了，小兒寄生蟲的情況亦少了很多，如果小朋友莫名腹痛，有咬手指的習慣、肛門奇癢，就要帶他去檢查一下了！

摩腹

操作：用手掌或四手指沿臍周圍順時針輕力摩，摩三至五分鐘。

功效：健脾和胃，理氣消食；可舒緩腹脹、腹痛、疳積、嘔吐、便秘等，可作為小兒日常保健手法。

以上文章刊於《招職》。