近年，好多人都會喺正職以外，經營多一份副業，開網店、教班及做Freelance等，以發展自己嘅興趣又或者為自己增加多一份收入。不過，經營副業又應唔應該同公司申報？打兩份工又會唔會犯法？經營副業處理得唔好，隨時影響正職，甚至連份工都無埋！即刻睇吓打兩份工有咩要注意啦。
好處﹕
- 額外收入：經營副業可以為你提供額外嘅收入來源，幫助改善生活質量或者實現特定目標。
- 多元化收入：有多個收入來源可以降低風險，當一個收入渠道受到影響時都有個保障。
- 實現夢想：副業通常係追求自己熱愛嘅事業或夢想嘅途徑，令人更有成就感和滿足感。
壞處:
- 時間管理：經營副業需要額外嘅時間和精力投入，可能會影響到正職、家庭及自己嘅休息時間。
- 風險：副業並唔保證一定成功，有可能會引致金錢損失。
- 疲勞：長期身兼兩職，可能會分身不暇，令身心疲憊。
打兩份工又係唔係犯法？又需唔需要同公司申報呢？
根據勞工法例，其實並無明確指明打工仔打兩份工係犯法嘅，不過好多公司都會喺合約或員工守則中指明員工唔可以有兼職。
如果真係想經營副業，喺衡量風險後，可以嘗試同上司申請，一般副業同公司業務無底觸，公司都會隻眼開隻眼閉。
但如果副業同公司業務有關，一旦畀公司揭發，隨時被公司炒，連累正職，所以發展副業之前一定要諗清楚，睇吓自己能唔能夠承擔風險，或者有能力兼顧兩份工先好做呀。
